هەواڵ

-

رۆشنبیر و زمانناسێكی ناوداری كورد كۆچی دوایی كرد

6/24/2017 6:33:38 PM 115 ‌جار خوێندراوه‌ته‌وه

به‌هۆی نه‌خۆشییه‌كه‌ی كوشنده‌وه‌ زمانناس و ڕۆشنبیرێكی كورد له‌ كه‌نه‌دا كۆچی دوایی كرد. 

عه‌لی كه‌ریمی پێشمه‌رگه‌ی دێرین و چالاكی سیاسی له‌ ئه‌كاونتی خۆی له‌ فه‌یسبووك هه‌واڵی كۆچی دوایی ئه‌میری حه‌سه‌ن پووری راگه‌یاندووه و نووسیویه‌تی:  ئه‌مڕۆ 24-6-2017 زمانناس و ڕۆشنبیر دكتۆر ئه‌میری حه‌سه‌ن پوور له‌ ته‌مه‌نی 74 ساڵی له‌ شاری تۆرینتۆی كه‌نه‌دا به‌ هۆشی نه‌خۆشی شێرپه‌نجه‌وه‌ كۆچی دوایی كرد.
ئه‌میری حه‌سه‌نپوور ساڵی 1943 له‌ شاری مه‌هاباد له‌ ڕۆژهه‌ڵاتی كوردستان له‌ دایكبووه‌ و ساڵی 1972 دكتۆرای له‌ زمانی ئینگلیزی له‌ زانكۆی تاران وه‌رگرتووه‌. ساڵی 1989 دكتۆرایه‌كی تری له‌ زمانناسی كۆمه‌ڵایه‌تی و مێژووی هاوچه‌رخی ڕۆژهه‌ڵاتی ناوه‌ڕاست وه‌رگرتووه‌ و تێزی دكتۆراكه‌ی له‌سه‌ر چۆنێتی دروستكردنی زمانی ستانداردی كوردی بووه‌.

ئه‌میری حه‌سه‌ن پوور له‌ ساڵی 1986 وه‌ له‌ كه‌نه‌دا ده‌ژیا و مامۆستا زانكۆ بوو له‌ زانكۆكانی ویندسۆر، كۆنكۆردیا و تۆرینتۆ.

حه‌سه‌ن پوور چه‌ندین كتێب و لێكۆلێنه‌وه‌ی زانستی به‌ زمانه‌كانی ئینگلیزی و فارسی نووسیوه‌ له‌سه‌ر ناسیۆنالیزمی كوردی و میدیا و گفتوگۆ و دیموكراسی و جنیۆساید و بزوتنه‌وه‌ كۆمه‌ڵایه‌تییه‌كان.

PUKmedia  : M9sharazoor

Copyright © 2012. all rights reserved . Developed by Avesta Group and powered by Microsoft Azure