هەواڵ

-

وەزارەتی پەروەردە داواكاریەكی مامۆستایان ڕەتدەكاتەوە

11/24/2017 5:18:43 PM 16 ‌جار خوێندراوه‌ته‌وه

وەزارەتی پەروەردە داواكاریەكی مامۆستایان ڕەتدەكاتەوە
سەبارەت بەكەمكردنەوەی دەوام بۆ دوو رۆژ لەهەفتەیەكداو زیادكردنی پشوەكان وەزارەتی پەروەردە هاتەدەنگ، سەرچاوەیەكیش لەو وەزارەتەوە ڕایدەگەیەنێت، "هیچ بڕیارێكی نوێ لەوبارەیەوە نەدراوەو وەزارەتیش بەرنامەی خۆی لەسەرەتای دەوامی ئەمساڵەوە دیاریكردوەو نایگۆڕێت".

 

لەچەند ڕۆژی ڕابردودا بەشێك لەمامۆستایانی پەروەردەكانی سەیدسادق، هەڵەبجەو پێنجوێن، داوایانكرد، دەوامیان بۆ دوو ڕۆژ لەهەفتەیەكدا بۆ كەمبكرێتەوە.

سەرچاوەیەك لەوەزارەتی پەروەردەی حكومەتی هەرێمەوە ڕاگەیاند، "وەزارەتی پەروەردە هیچ بڕیارێكی نوێی بۆ كەمكردنەوەی دەوام و زیادكردنی ڕۆژە پشوەكان نییەو هەر ئەو بەرنامەیە جێبەجێدەكات، كە لەسەرەتایی دەوامەوە ڕایگەیاندوەو نایگۆڕێت".

ئەو سەرچاوەیە ئەوەشی ڕونكردەوە، وەزارەتی پەروەردە  جەخت لەسەر جێبەجیكردنی ئەو بڕیارانە دەكاتەوە كە لەسەرەتای دەوامی ئەمساڵەوە بۆ سەرجەم پەروەردەكانی هەرێمی ناردوەو هیچ بڕیارێكی نوێی بۆ زیادكردنی ڕۆژە پشوەكان نییە. 

 

SNN : M9sharazoor

 

Copyright © 2012. all rights reserved . Developed by Avesta Group and powered by Microsoft Azure