هەواڵ

-

کێشەکانی ھەڵەبجە دەگەیەندرێتە ئەنجومەنی وەزیران

11/29/2017 6:39:33 PM 9 ‌جار خوێندراوه‌ته‌وه

کێشەکانی ھەڵەبجە دەخرێتەبەردەم ئەنجومەنی وەزیران و پارێزگاری ھەڵەبجەش بەوەکالەت رایدەگەیەنێت"تائێستا موڵک و ماڵ و زەوی لەھەڵەبجە نزیکەی لەسەدا ۱٥ی تاپۆن" و لەبارەی پێشنیازەکانیان بۆچارەسەری کێشەکان دەڵێت: چاوەڕێ دەکەین بە فەرمی ڕەزامەندی دەرببڕدرێت.

 

عەلی عوسمان پارێزگاری ھەڵەبجە بەوەکالەت لەلێدوانێکدا راگەیاند: لەماوەی ڕابردودا کۆبونەوەمان لەگەڵ ئەنجومەنی وەزیران کردوەو باسمان لەبارودۆخ و بابەتی ھەیکەلی ئیداری پارێزگای ھەڵەبجە کردووە، بەڕەچاوکردنی بارودۆخی دارایی و کاریگەری لەسەر ھاوڵاتیان چەند پێشنیازێکمان خستوەتەڕوو.

وتیشی: پێشنیازی دابەشکردنی وەزیفیمان کردوە بۆئەوەی بتوانین پەیکەری ڕێکخستنی پارێزگای ھەڵەبجە پێکبھێنرێت، تائێستا موڵک و ماڵ و زەوی لەھەڵەبجە نزیکەی لەسەدا ۱٥ی تاپۆن و ھیچ مامەڵەیەکی یاساییان لەگەڵدا ناکرێت، ئێمەش داوامانکردووە مامەڵەی یاساییان لەگەڵدا بکرێت و ھاوڵاتیان ببنەخاوەنی ئەوەلیاتی یاسای خۆیان.

ئاماژەی بەوەشکرد، ئەو دو پێشنیازەمان لەگەڵ وەزارەتی شارەوانیدا باسکرد و"بەخۆشحاڵیەوە سەرۆک و جێگری سەرۆکی ئەنجومەنی وەزیران ڕازیبون بەپێشنیازەکانمان، چاوەڕێ دەکەین بە فەرمی ڕەزامەندی دەرببڕدرێت و لەو بوارەدا دەستبەکار بکەین".

 

SNN : M9sharazoor 

Copyright © 2012. all rights reserved . Developed by Avesta Group and powered by Microsoft Azure