هەواڵ

-

وەزارەتی پێشمەرگە پلەبەرزكردنەوەی ئەفسەران ڕادەگەیەنێت

4/13/2018 7:17:08 PM 50 ‌جار خوێندراوه‌ته‌وه

وەزارەتی پێشمەرگە ڕونكردنەوە دەدات سەبارەت بەبەرزكردنەوەی پلەی ئەفسەران و بەرپرسێكی ئەو وەزارەتەش جەختدەكاتەوە لەسەرئەوەی، هەر ئەفسەرێك بەگوێرەی مافی خۆی لەچ ڕۆژێكەوە مافی پلەبەرزكردنەوەی هەیە كاری پلەبەرزكردنەوەكەی بۆ ئەنجامدەدرێت، هاوكات پەیامێكیش ئاراستەی یەكەكانی (70و 80)و زێرەڤانی و بەرگری فریاكەوتن دەكات.

 

جەبار یاوەر ئەمینداری گشتیی وەزارەتی پێشمەرگە ڕاگەیاند، "لەدواین كۆبونەوەی ئەنجومەنی وەزارەتدا بڕیارمانداوە هەموو ئەو ئەفسەرانەی لەنێوان ساڵانی (٢٠١٦و ٢٠١٧و سەرەتای ٢٠١٨)دا مافی پلەبەرزكردنەوەیان هەیە، داواكانیان بەرزبكەینەوە بۆ ئەنجومەنی وەزیران".
وتیشی:"پێویستە هەموو یەكەكانی هێزی پێشمەرگەی كوردستان كە پێكدێن لەیەكەكانی (70و 80، وەزارەتی پێشمەرگە، زێرەڤانی و بەرگری و فریاكەوتن) هەموو خشتەكانی مانگەكانی ئادارو ئەیلولی ساڵی (2016و 2017) مانگی ئاداری 2018مان بۆ بنێرن و ئێمەش بەرزی دەكەینەوە بۆ ئەنجومەنی وەزیران".
جەبار یاوەر جەختیكردەوە، "هەر ئەفسەرێك بەگوێرەی مافی خۆی لەچ ڕۆژێكەوە مافی پلەبەرزكردنەوەی هەیە، كاری پلەبەرزكردنەوەكەی بۆ ئەنجامدەدرێت".

 

SNN : M9sharazoor

Copyright © 2012. all rights reserved . Developed by Avesta Group and powered by Microsoft Azure