هەواڵ

-

هەڵەبجە :هەڵمەتەكە دەست پێدەكات ..بە سێ تیمی جیاواز كار دەكەن

7/4/2018 6:23:40 PM 33 ‌جار خوێندراوه‌ته‌وه

بەڕێوەبەرایەتی خۆپاراستنی تەندروستی لە هەڵەبجە ئامادەكاریەكانیان بۆڕێگریكردن لە بڵاوبونەوەی نەخۆشی تای خوێنبەربون ئاشكرادەكات و بەڕێوەبەری بەرێوەبەرایەتیەكە دەڵێت:بە سێ تیمی جیاواز كار دەكەین و چاوەڕێی فەرمانی وەزاری دەكەین.

 

ئەكرەم محەمەد بەڕێوەبەری خۆپاراستنی تەندروستی لە هەڵەبجە راگەیاند:  كاری لەپێشینە بۆ ڕێگریكردن لەبڵاوبونەوەی تای خوێنبەربوون، كۆنتڕۆڵكردنی گوند و چواردەوری شارەكانە بۆ ئەو مەبەستەش لە سبەی یان دوو سبەی دەستبەكاردەبین لەسنورەكەماندا.
وتیشی: بەپێی ڕێنمای وەزارەتی تەندروستی لیژنەیەكی تایبەت پێكدەهێنرێت، بەسەرپەرشتی پارێزگار لەهەر پارێزگایەك لەگەڵ لایەنە پەیوەندیدارەكانی تایبەت بە نەخۆشیەكە، هەروەها تیم پێكدەهێنرێت بۆ كڕینی دەرمان و ڕشتنی و بڵاوكردنەوەی هۆشیاری تەندروستی.
ئاماژەی بەوەشكرد،"وەكو بەڕێوەبەرایەتیمان ئامادەكاری تەواومان كردووە، بەڵام تائێستا دەستمان پێنەكردووە و چاوەڕێی فەرمانی وەزاری دەكەین لەلایەن وەزیری تەندروستی و كشتوكاڵەوە بۆمان بێت".
بەڕێوەبەری خۆپاراستنی تەندروستی هەڵەبجە ئەوەشی روونكردەوە، لەدەستپێكی كارەكانیاندا بەسێ تیم دەردەچن، یەكێك ناوشار بۆ دژی مارو دووپشك و مێش و مێشولە. دووەم تیمی ساردە، بە ئاڕاستەی هەوایە لەدەرەوەی شار، لەكوێوە هەوا بەرەو ئاڕاستەی شار بێت دەرمان دەڕێژین و هەموو شار دەگرێتەوە، سێ یەمیش تیمێكی ڕاوەستاوە، دەرمانی مەلاریایە بۆ زۆنگاوەكان و ئەو ئاوانەی كەڕاوەستاون، پاش بەهۆی ئەم هەڵمەتانە بەدڵنیایی ڕێگری لە ئەگەری هەر نەخۆشیەك دەكرێت و مێروە زیان بەخشەكان لەناو دەبرێن.

 

SNN : M9sharazoor

Copyright © 2012. all rights reserved . Developed by Avesta Group and powered by Microsoft Azure