هەواڵ

-

کاردانەوەکانی تەقەکردن لە دکتۆر کەمال ئەحمەد

12/4/2018 7:08:19 PM 7 ‌جار خوێندراوه‌ته‌وه

سەندیکای پزیشکانی کوردستان بەھۆی تەقەکردن لە پزیشکێک ناڕەزایەتی دەردەبڕن و بۆ ماوەی ٢٤ سەعات نۆڕینگەکانیان دادەخەن، ھاوکات سەرۆکایەتیی زانکۆی سلێمانیش داوا لە دەزگا ئەمنییەکان دەکات تۆمەتبارانی ئەو کارە دەستگیربکەن.
سەندیکای پزیشکانی کوردستان لە راگەیەنراوێکدا ئیدانەی تەقەکردن لە د. کەمال ئەحمەد دەکات و رایدەگەیەنێت: چەند جارێک کاری نەشیاو بەرامبەر چەند پزیشکێکی تر کراوە، ترسیان ھەیە ئەو جۆرە توندوتیژییە ببێت بە دیاردە کە لە ئەنجامدا پیشەی پزیشکی و ھاووڵاتیان زەرەرمەند دەبن و بۆ ماوەی ٢٤ سەعات سەرجەم نۆرینگە تایبەتەکان دابخەن.
ھاوکات، سەرۆکایەتیی زانکۆی سلێمانی راگەیەنراوێکی سەبارەت بە ھەمان رووداو بڵاوکردووەتەوە و ئاماژەی بۆ ئەوەکردووە، بە ئیدانەی توندی ھێرشکردنە سەر د.کەمال ئەحمەد، پزیشکی نەشتەرگەری و مامۆستای زانکۆی سلێمانی دەکەن و داواش لە ھێزەکانی ئاسایش و پۆلیس و دەزگا ئەمنییەکان دەکات بە زووترین کات تۆمەتبارانی ئەو کارە دەستگیر بکرێن، ھەروەھا داوا لە حکومەت و داواکاری گشتی و لایەنە پەیوەندیدارەکان دەکات لەسەر ئەو بێنە دەنگ.

 

 

M9sharazoor : Kurdsat News

Copyright © 2012. all rights reserved . Developed by Avesta Group and powered by Microsoft Azure