هەواڵ

-

بەیاننامەی مەڵبەندی (9)ی ڕێکخستنی شارەزووری (یەکێتی نیشتمانی کوردستان)

6/29/2019 7:12:45 PM 47 ‌جار خوێندراوه‌ته‌وه

بەیاننامەی مەڵبەندی (9)ی ڕێکخستنی شارەزووری (یەکێتی نیشتمانی کوردستان) سەبارەت بە هەڵوێستی ئەندام پەرلەمانەکانی فراکسیۆنی سەوز لە پەرلەمانی کوردستان .

بەڕێزان ، کەس وکاری سەربەرزی شەهیدان و پێشمەرگە قارەمانەکانی کوردستان و ئەندامان و لایەنگران و دۆستانی یەکێتی نیشتمانی کوردستان ) و جەماوەری بەشەرەف و خۆڕاگرى کوردستان . یەکێتی نیشتمانی کوردستان وەک هەستکردن بە ئەرکی نیشتمانی خۆی لەئەمڕدا زۆر بەوریایی سەیری بارودۆخ و گۆڕانکاریەکانی ناوچەکە دەکات ، لەم سۆنگەیەشەوە بە بەبرپرسایەتی یەوە مامەڵە لەگەڵ پرسە نوێ یەکاندا ئەکات و هەمیشە لەسەنگەری بەرگریکردندا بووە لە پرسە نیشتمانی و نەتەوایی یەتیەکاندا .

ئەمرۆ پرسی کەرکوک لەسەرو تەواوی پرسەکانە ، هەر لەسەرەتاى دروست بونی شۆڕشی نوێ ی گەلەکەمان بەڕابەرایەتی (ی.ن.ک ) ، دوای شکستەکەى ساڵی (1974 ) یەکێتی نیشتمانی هیچ سازشێکی لەسەر پرسی کەرکوک و کوردستانی بونی ئەو شارەیە نەکردوە ، لەساڵی 1984 هەڵوەشاندنەوەی لێکتێگەشتنەکانی ئەو دەمەی نێوان (ی.ن.ک) و حکومەتی ناوەند لە سەر پرسی (کەرکوک ) بوو ، بۆیە هیچ کات یەکێتی لەهیچ دۆخێکدا پشتی لە ناوچە دابڕاوەکانی کوردستنان نەکردوە لەناویاندا بەتایبەت شارى (کەرکوک ).

ئێستاش سەرباری دوو ڕێکەوتن لەنێوان (ی.ن.ک) و (پ.د.ک )بۆ پێکهێنانی حکومەتی هەرێم و پرکردنەوەی پۆستەکانی بەغداد و پرسی کەرکوک کە بەتایبەت ئەم پرسە لەنیوان کاک ( کۆسرەت ڕەسول عەلی ) و ( کاک مسعود بەرزانی ) واژۆی لەسەرکرا بڕیار لەسەر جێ بەجێکردنی ڕێکەوتنەکان درا ، بەتایبەت پرسی (کەرکوک ) کە خودی (کاک مسعود بەرزانی ) ئاماژەی پێدابوو کە بەهۆی زۆرینەی دەنگی ئەو پارێزگایە کە لەپشکی (ی.ن.ک) ە بۆیە دەبێت پارێزگارەکەی یەکێتی بێت و خەڵکی کەرکوک بێت . بەڵام ئەوەی ئێمەی توشی سەرسوڕمان کرد هەوڵەکانی ئەو حیزبە سیاسی یە بوو بۆ ئەوەی ڕستە بۆشایی یەکان بە ویست و خواستی خۆیان پڕبکەینەوە بەڵام تاسەرلەبەیانی ئەمڕۆ چاوەڕی کۆتا هەڵوێستی (پارتی )ی بوین لەسەر کارکردن بەڕێکەوتنەکان . بەڵام بەداخەوە هەندێک لایەن ئامادەن نەوازش بۆ شۆفێنزمی عەرەبی بکەن و ئەنجومەنی پارێزگار و پاریزگا لە پارێزگایەکی تر دیاری بکەن بەڵام ئامادەنین بۆ کەرکوک هیچ هەنگاوێکی کرداری یان هەڵوێستێکی نیشتمانی و نەتەوایەتى بنوێنن . ئەمە لەکاتێکدا چەندین پێشنیار بۆ(پارتى) خراوەتە ڕوو بەمەبەستی دیاریکردنی پارێزگاری کەرکوک ، بەڵام پارتی سەرباری ئەوەی پێشنیاریەکانی (ی.ن.ک) ی پێ قبوڵ نەبوو ئێستاش بەنیازە ئەو بۆشاییانەی کە دەبێت (ی.ن.ک) پڕی بکاتەوە بەویستی خۆی بێت .

 

جەماوەری بەشەرەفی کوردستان لای هەموو کەس ڕوون و ئاشکرایە کە ئەمڕۆ لەپەرلەمانی هەرێمی کوردستان ئەندام پەرلەمانەکانی لیستی سەوزی یەکێتی وەک هەڵوێستی نیشتمانیانەی خۆیان بایکۆتی هۆڵی پەرلەمانیانکرد و هەڵوێستی مەکتەبی سیاسی و سەرکردایەتی حیزبەکەیان بەرز ڕاگرت و پابەندبونیان بەبڕیارەکانی سەرکردایەتی یەوە دووپاتکردەوە. ( یەکێتی نیشتمانی کوردستان ) لەتەواوی مێژوی خەبات و تێکۆشانیدا هەمیشە و هەردەم قۆربانی زۆری داوە لەپێناو کەرکوک و ئارامی و یەک هەڵوێستی نەتەوایەتی و نیشتمانیدا ، بۆیە بەمافی خۆی زانی بەشداری راستیانەی هەرسێ پاکێچەکەى بێت نەک کارکردن بەیەکێکیان پشتکردن لەپاکێجەکانی تر . مەڵبەندی (9) ی ڕێکخستنی شارەزووری (ی.ن.ک ) هەڵوێستی ئەمڕۆی ئەندام پەرلەمانەکانی لیستەکەمان بەرز ئەنرخێنین و بە هەڵوێستێکی نیشتمانی و نەتەوایەتی یان بۆ پرسی (کەرکوک ) و سەرجەم پرسەکانی تری کوردستان دادەنێین .

لەهەمان کاتدا پشتیوانى تەواوى بڕیارەکانى سەرکردایەتى و مەکتەبى سیاسى دەکەین بۆ لەمەڕ چۆنیەتى مامەڵەکردن لەگەڵ ئەم بارودۆخەدا .....


یەکێتی نیشتمانی کوردستان

مەڵبەندی (9)ی ڕێکخستنی شارەزوور

Copyright © 2012. all rights reserved . Developed by Avesta Group and powered by Microsoft Azure