هەواڵ

-

هەوڵی بە گەشتیاری كردنی ناوچەیەك دەدرێت

7/7/2019 7:38:29 PM 4 ‌جار خوێندراوه‌ته‌وه

لەسەر داوای قایمقامی دوكان و بە ڕەزامەندی بە ڕێز قوباد تاڵەبانی ، پڕۆژەی خزمەتگوزاری دەگەیەنرێتە ڕێگای لاوەكی ( بێل ماوس و سپیل وای ) دەكرێتە ڕێگایەكی سەرەكی .

بۆیە دوای هەوڵی بەردەوامی سیروان سەحەد قایمقامی دوكان و قوباد تاڵەبانی رەزامەندی دەربڕی بە خەرجكردنی (۲۹۷٫٦٥۰٫۰۰۰) دوو سەدو نەود و حەوت ملیۆن و شەش سەدو پەنجا هەزار دینار ، بە مەبەستی سیاج كردن و كۆنكرێت كردنی رێگاكە .

ئەم پڕۆژەیە، لە ماوەیەكی نزیكدا دەست دەكرێت بە جێبەجێ كردنی و هەمان كات چەندین كورسی و جێگای ناشتنی دەیان نەمامی گونجاوی تیادا ئامادە دەكرێت رەچاوی بواری وەرزشیش دەكرێت و چەندین ئامێری وەرزشكردنی تیادا جێگیر دەكرێت .

 تا هاووڵاتیان و گەشتیاران بتوانن لە كاتی سەردانی كردنی ، كاتێكی خۆش بەسەر بەرن . 

لە ئەمساڵدا، بەهۆی باران بارینی زۆر و بەرز بوونەوەی ئاستی ئاوی دەریاچەی دوكان ، دواجار بێل ماوس سەر ڕێژی كرد،بەهۆی دروست بوونی شەلالێكی سەرنج ڕاكێش، ڕۆژانە سەدان گەشتیار ڕوویان لەم ناوچەیە دەكرد .

 

M9sharazoor : راگەیاندنی قایمقامییەتی قەزای دوكان 

 

Copyright © 2012. all rights reserved . Developed by Avesta Group and powered by Microsoft Azure