هەواڵ

-

كوردێك بەشداری پرۆگرامێكی نێودەوڵەتی دەكات

9/21/2019 7:46:58 PM 57 ‌جار خوێندراوه‌ته‌وه

مامۆستایەكی زانكۆی هەڵەبجە دانیشتوی وارماوە لەئەمریكا بەشداری پڕۆگرامێكی نێودەوڵەتی دەكات.

مامۆستا بێوەی مەحمود نەقشبەندیی دانیشتوی وارماوەیە و مامۆستای زانكۆی هەڵەبجە لەكۆلێژی جەی ویلیام فوڵبرایت لە زانكۆی ئەركەنسای وڵاتی ئەمریكا بڕوانامەی تێفڵی نێودەوڵەتی وەرگرت.

م. بێوەی مامۆستا لە بەشی زمانی ئینگلیزی كۆلێژی پەروەردەی بنەڕەت لە هە لە بجە بە PUKmedia ڕاگە یاند:- له كۆی حەوت مامۆستای زانكۆكانی عێراق لە بواری زانستی زمانەوانی دا بەشداری پرۆگرامی (Fulbright Visiting Scholars) كرد كە تایبەتە بە گەشەپێدانی تواناكانی ستافی ئەكادیمی زانكۆكانی عێراق و بە سەركەوتویی بڕوانامەی كۆتایی پرۆگرامەكە كە بە تێفڵ (Teaching English as a Foreign Language) ناسراوە وەرگرتوە.

ئەم پرۆگرامەی فوڵبرایت لە لایەن وەزارەتی دەرەوەی ئەمریكاوە  پاڵپشتی دارایی دەكرێت و ڕێكخراوی ئامیدیست بەڕێوەی دەبات و زانكۆی ئەركەنسا هەستا بە میوانداریكردنی مامۆستایانی پسپۆڕ لە بواری زمانەوانی بۆ ساڵی ٢٠١٩ .

 بەشداربوانی پرۆگرامەكە لە ماوەی 10 هەفتەدا زانیاری گرنگی تیۆری و پراكتیكییان لەسەر ئەم بابەتانە وەرگرتوە،  ڕێگا نوێ و پێشكەوتوەكانی وانە وتنەوە، سەركردایەتی كردن لە سێكتەری خوێندنی باڵادا، سیستەمی خوێندنی باڵای زانكۆكانی ئەمریكا، ئاشنابون بە كلتوری وڵاتە یەكگرتوەكانی ئەمەریكا.

م. بێوەی وەك مامۆستایەكی زانكۆی هەڵەبجە چالاكانە بەشداری لە هەموو بڕگەكانی ئەم پرۆگرامە نێودەوڵەتیەدا كردوە و بەمەش زانكۆی هەڵەبجە زیاتر پێگەی خۆی لە ڕوی نێودەڵەتیەوە بەهێزدەكات.

>pukm9sharazoor محمد عبدالرەحمان/شارەزوور

Copyright © 2012. all rights reserved . Developed by Avesta Group and powered by Microsoft Azure