هەواڵ

-

گۆڕە بەکۆمەڵەکانى هەڵەبجە هەڵدەدرێنەوە

هەڵەبجە، فەرحان حمەخان
7/25/2013 7:34:58 AM 612 ‌جار خوێندراوه‌ته‌وه



وەڤدی هەردوو وەزارەتى مافی مرۆڤ و ژینگەى عێراق پێشنیازی هەڵدانەوەى گۆڕە بەکۆمەڵەکانى قەزاى هەڵەبجە دەکەن و وەزارەتى کاروبای شەهیدانى حکومەتى هەرێمى کوردستانیش رازى بوونى کەسوکاری شەهیدانى شارەکە دەکاتە پێش مەرج بۆ جێبەجێکردنى پێشنیازى دوو وەزارەتەکەى عێراق.
راپرسی دەکەن
بۆ جێبەجێبەجێکردن، یان رەتکردنەوەى داواکەى وەفدەکەى عێراق ، کۆمەڵەى قوبانیانى کیمیابارانى هەڵەبجە راپرسی ئەنجامدەدات، لەمبارەیەوە حیکمەت فائیق خاوەن شەهیدى کیمیاباران لە لیدوانیکدا بە m9sharazoor راگەیاند: کۆمەڵەکەمان بۆ وەرگرتنى بیروبۆچونى کەسوکاری شەهیدان بریاریداوە راپرسی بکات، وتیشی: هەڵدانەوەى گۆرە بەکۆمەڵەکان گرنگە بۆ بە دۆکیۆمینت کردنى کەیسى کیمیاباران، تەواى گوڕەکانیش لە هەلەبجە و هەردوو شارۆچکەى سیروان و خورماڵ-دان، هەربۆیە لەئێستا کەس و کارى شەهیدان بەشدار دەبین لە راپرسیەکەدا و لە ئیستاشدا بەشێکى زور لە کەس و کارى شەهیدان بەشداریان کردوە بۆ ئامادە کردنى وەلامێک بو ئەو پرسە.
کامیل عبدالقادر بەرکەوتووى چەکى کیمیاوى و خاوەنى 5 شەهیدى کیمیاباران بو m9sharazoor ى روون کردەوە: گرنگ و پیویستە لە کاتى هەڵدانەوەى هەر گۆرێکى بە کۆمەڵدا بۆچوونى کەسوکارى ئەو شەهیدانە وەر بگێرت، ئەگەر چى زوریش گرنگە گورەکان هەڵبدرێنەوە، بو ئەوەى وەک بەڵگە بەکاریبهێنین.
رپرسییەکە بەهەند وەردەگیرێت.
هۆشمەند موراد وتەبێژى کومەڵەى قوربانیانى کیمیابارانى هەڵەبجە بە m9sharazoor ڕاگەیاند: وەلامى راپرسیەکە بە هەند وەر ئەگیریت و تا ئەم ساتیش راپرسیەکە یەکسانە لە نیوانە هەڵدانەوە و هەڵ نەدانەوەیاندا.، وتیشی: لە ئیستادا زیاد لە 42 خێزان، سکاڵاى وونبوونى منداڵەکانیان ئاراستەى کۆمەڵەکەمان کردووە، ئەمەش سەرەڕاى ئەوەى چەندین هاولاتى دیکەش نادیارن و کەسوکارەکانیان هیواى هەڵدانەوەى گۆرە بەکۆمەلەکان دەخوازن.
باسیلەوەشکرد: لەسنورىی هەڵەبجە نزیکەى 38گۆڕی بەکۆمەڵى تێدایە، بەجۆرێک گۆڕ هەیە روفاتى نزیکەى 500هاولاتی تێدایە

Copyright © 2012. all rights reserved . Developed by Avesta Group and powered by Microsoft Azure