هەواڵ

-

یادى شەهیدانى بینا سوتاوەکەى سیروان کرایەوە

راپورتى-فرحان حەمەخان
8/6/2013 1:27:53 PM 583 ‌جار خوێندراوه‌ته‌وه

بیست و حەوت ساڵ لەمەوبەرو لە بەروارى (6-8-1986)دا بەهۆى شەرى عیراق -ئیرانەوە زیاد لە (200) هاولاتى بێتاوان لەشارۆچکەى سیروان لەنزیک هەڵەبجەى شەهید شەهید بوون، ئەمرۆش لەمەراسیمێکدا یادی قوربانییەکان کرایەوەو کەس و کارى شەهیدەکانیش داواکارن حکومەتى هەریم ئاورێکى جدیان لێ بداتەوە رۆژەکەش بکریتە رۆژى شەهیدى ناحیەى سیروان.
بە ئامادەبوونى ژمارەیەک لەکەسوکارى شەهیدان و نوێنەرانى حیزبى و حکومى و لایەنە سیاسیەکان و روژنامەنوسان و چالاکواناى کۆمەڵگەى مەدەنى لە بینا سوتاوەکەى ناحیەى سیروان لە رێو رەسمیکدا یادى شەهیدانى (6-8-1986) ى بینا سوتاوەکەى ناحیەى سیروان کرایەوە
لە دەستپێکى رێورەسمەکەدا چەند ئایەتێک لە قورئانى پیرۆز خوێنرایەوە و پاشان چەند ساتێک بەبێ دەنگى ،هەموان بۆ گیانى پاکى شەهیدان وەستان، دواتر بەیانامەى خەڵکى ناوچەکە و کەسو کارى شەهیدان لەلایەن احمد حسین خوێنرایەوە کە تیایدا ئاماژەى بەوە کرد بیست و حەوساڵ لەمەوبەر و لەگەرمەى جەنگى عێراق- ئیران- دا زیاتر لە 200 هاوڵاتى بوونە قوربانى، بەڵام تائێستاش شەهیدانى ئەو رووداوە بەشەهید تۆمارنەکراون، وتیشی: داواکارین کەسوکارى شەهیدان قەرەبووى ماددى و مەعنەوى بکرێنەوە، هەروەها ئەو بەڵێنەش ببرێتەسەر کەپێشتر بەخەڵکى ناوچەکە درابوو، بۆ ئەوەى بینا سوتاوەکەى سیروان بکرێت بە سەنتەرێکى ڕۆشنبیرى و و مۆزەخانەیەک، هەروەها رۆژى کارەساتەکەش بەرەسمى بکرێت بە رۆژى شەهیدانى سیروان و بریندارانى کارەساتەش چارەسەرى پێویستیان بو بکرێت.
چۆمان عوسمان رۆژنامەنوس وئەندامى دەستەى سەرپەرشتى کردنى یادەکە بەm9sharazoor ى ڕاگەیاند لەوکارەساتەدا زیاد لە 200 شەهید و 100 بریندارى لێ کەوتەوە ، یادنەکردنەوەى کارەساتەکەلە سالانى رابردوو گرنگى پێ نەدراوە، ووتیشى داواکارین لە حکومەتى هەرێمى کوردستان و وەزارەتى شەهیدان ئەم کارەساتە گەورەیە لە یاد نەکەن.
سعدون ممحمد ساڵح بەرێوبەرى بەرێوبەرایەتى کاروبارى شەهیدان و ئەنفالکراوەکانى هەلەبجە سەبارەت بە کارەساتەکەو تۆمارنەکردنى شەهیدانى کارەساتەکە بەm9sharazoorى رایگەیاند چەندین جار دوامان کردوە سەردانمان بکەن، بەڵام وەک پێویست نەهاتوون بەدەم داواکەمانەوە، وتیشی: لەهەول داین بۆ ئەوەى مووچەیەکى تایبەتیان بۆ دابین بکەین و لە ئیستاشدا بەشێکیان کراون شەهیدى هاولاتى .
بینا سوتاوەکەى سیروان پیشتر قوتابخانە بوو، بەڵام یەهۆى شەرى عێراق -ئیرانەوە، ژمارەیەک هاوڵاتى لەناحیەى خورماڵ دواى ئاوارەبوونیان بۆ ناحیەى سیروان بۆ خۆحەشاردان و بەڕێکردنى ژیانیان روو دەکەنە ئەوە قوتابخانەیە، بەڵام لەرۆژى 6-8-1986 دا و دواى ئەوەى تۆپێک بەر قوتابخانەکە دەکەویت زیاد 200 شەهید و 100 بریندارى لێ دەکەویتەوە.
کەسوکارى ئەو شەهیدانە دواى 27ساڵ لە کارەساتەکە، داوادەکەن شوێنى رووداوەکە بکرێت بە موزەخانەیەک و شەهیدەکانیشیان بە شەهید تۆماربکرێن و لە ماف و ئیمتیازاتەکانیان بێ بەش نەکرێن.

Copyright © 2012. all rights reserved . Developed by Avesta Group and powered by Microsoft Azure