هەواڵ

-

بەرلەپارێزگابوونى هەڵەبجە

ئیبراهیم هەورامانى
1/6/2014 3:25:29 PM 831 ‌جار خوێندراوه‌ته‌وه

هەرجارەى بابەتێک
گۆشەیەکە هەفتەى دووجار
ئیبراهیم هەورامانى دەینوسێ

 

 
(1)


دواجار بەهەوڵى بەرپرسانى حکومەتى هەرێمى کوردستان لە 12/31 پڕۆژە بڕیارى بەپارێزگابوونى هەڵەبجە لەلایەن ئەنجومەنى وەزیرانى عێراقەوە بەزۆرینەى دەنگ پەسەند کرا .لەئێستادا بڕیاردان لەسەر پەسەند کردنى ئەم پڕۆژەیەوە کەوتۆتە نێو گۆڕەپانى ئەنجومەنى نیشتمانى عێراقى فیدراڵ ،بەپێ ى ئاماژەکان بەپارێزگابوونى ئەم شارە لەبڕیاردانى یەکجارەکى نزیک بۆوەتەوە و تەنها مەسەلەکە کاتە .
ئەوەى لێرەدا من دەمەوێت بیخەمە ڕوو مەسەلەى بەرلەبەپارێزگابوونى شارەکە یە ، ئایا چ پێویستە بەرپرسانى حکومى ئەم شارە چ کار و پڕۆژەیەک ئەنجام بدەن ؟
ئایا ئەو پڕۆژانە چین کە پێویستە بەرلەپارێزگابوونى ئەم شارە هەوڵ بدەن لەڕێ ى چەند پڕۆژەیەکەوە سیماى ئەم شارە لە سیماى شارۆچکەوە بگۆڕن بۆ سیماى شار ى گەورە .
ڕودانى گۆڕانکارى ئیدارى لەم شارەدا لەقەزاوە بۆ بەپارێزگابوون پێویستي بە گۆڕانکارى لە سیماى شارەکەدا هەیە .بۆیە بەراى من پێویستە هەرلەئێستاوە بەرپرسانى ئەم شارە بەتایبەت سەرۆکایەتى شارەوانى لەهەوڵى هاندانى کۆمپانیاکانى وەبەرهێنان دا بن بۆئەوەى ڕایانکێشنە خەرجکردنى سەرمایەکانیان لەم شارەدا بەتایبەت لەبوارەکانى بازرگانى و کشتوکاڵ و گەشتوگوزار ....بۆئەوەى بتوانرێت ئەو گۆڕانکارییەى لە شیکڵە ئیدارییەکەدا کەلەم شارەدا ڕودەدات پێویستە لەسیماى شارەکەشدا ڕەنگبداتەوە .
ئەوەى ماوەتەوە قسەى لەسەر بکەین پێویستە سەرۆکایەتى شارەوانى هەڵەبجە بەپەلە دەست بكات بە جێبەجێکردنى پڕۆژەى ناوچەى پیشەسازى و تەرمیناڵى یەکگرتوو و دروستکردن و نۆژەنکردنەوەى چەند پارکێکى نێو شار و فراوانکردنى شەقامەکانى شار بۆئەوەى بتوانرێت بەرڕاگەیاندنى دوا بڕیارى بەپارێزگابوونى ئەم شارە ئەم پڕۆژانە جێبەجێبکرێن .بۆئەوەى هەست بەو گۆڕانکارییە بکرێت کە بڕیارە لەگەڵ گۆڕانکارییە ئیدارییەکاندا سیماى ئەمشارە بگۆڕن .

 

Copyright © 2012. all rights reserved . Developed by Avesta Group and powered by Microsoft Azure