هەواڵ

-

بێ بیرکردنەوە

ئیبراهیم هەورامانى
2/4/2014 11:06:14 AM 653 ‌جار خوێندراوه‌ته‌وه


لێرەدا من هیچ تێزێکى فەلسەفى و هاوکێشەیەکى کیمیایی و جەبرى ناخەمە ڕوو ،تا تۆى خوێنەر خۆتى پێوەسەرقاڵ بکەیت و دەست بەبیرکردنەوە بکەیت بۆ لێگەیشتنى ،ئەم بابەتەى لێرەدا دەیخوێنیتەوە هەر چرکەیەک بیرکردنەوەى ئەگەر بوێت و بەس ،نامەوێت لەمە زیاتر لەباسەکەم دووربکەومەوە بۆیە دەمەوێت بچمە ناوبابەتەکەو تۆش بێئەوەى بیربکەیتەوە سەرنج بدەنە چ دنیایەکى سەیرە .
موبالەغە نى یە ڕەنگە هیچ کۆمەڵگایەکى هاوشێوەى ئەم کۆمەڵگایەى ئێمە لەم دونیا پان و بەرینەدا نەبێت هێندە بەکامڵى حوریاتەوە جێگەى بۆئەو هەموو ڕێکخراوەکانى کۆمەڵگەى مەدەنى کردبێتەوە ،کەچى ئێمە ئەوەندە عەنتیکەین خۆشمان بەمەدەنى بونەوە نایەت .
برادەرێکم لەم ڕۆژانەدا شتێکى زۆر عەنتیکەى بۆ گێڕامەوە و ووتى : چەند ڕۆژێک لەمەوبەر ڕێم کەوتوە یەکێک لەخوێندنگا بنەڕەتیەکانى شار بەلوعەیەکم بەرچاو کەوت بێئەوەى ماندوو ببێت بەردەوام ئاوەکەى دەڕشتە نێو مەخسەلەکە کاتێک بەکاکى خزمەتگوزارم ووت :ئەوە بۆ ئەو بەلوعەیە ناگریتەوە ؟با ئاوەکە بەفیڕۆ نەڕوات ؟ لەوەڵامدا ووتى :وەڵڵا قوربان بەلوعەکە شکاوە . ووتم ئەى بۆ چاکى ناکەنەوە خۆ بەلوعەیەک بە 500 دینارە ؟ زۆر ڕاشکاوانەو بەکامڵى سەراحەتەوە ووتى :بۆ برا مەعشى زۆرمان وەرگرتووە .
لەم ڕۆژانەدا هاوڕێیەکم برادەرێکى پێناساندم ووتى :ئەم کاکەیە خانەنیشینە بەپلەى مقدمى سەربازى ،ووتم وەڵڵا زۆرباشە فزوڵانە پرسیارم لێکرد کاکە من دەمانچەیەکم هەیە بەڕاى تۆ لەساڵێکدا چەند جار پاکى بکەمەوە ...بەڕاستى بەلامەوە زۆر سەیر بوو تازە هاوڕێ بێئەوەى هیچ فشارێکى لەسەر بێت لەوەڵامدا ووڵاتى سێ بەسێ تەڵاقم کەوتبێ بەتوڵى عومرم نە چەکم هەبووە و نە تاقەت و حەوسەڵەى چەک و تەمەنیم هەبووە .
دنیاکەى ئێمە خراپ گۆڕاوە بەشێوەیەکى لێهاتووە هەرچۆن بیرى لێبکەیتەوە هەر زەرەرى لێدەکەیت و ناچار دەبیت بێ لەغەم و مەراق پەنا بۆ هیچى دیکە نەبیت ...وەک کابراى کوردە ووتەنى گوێ ى مەدەرێ لێخوڕە دەشتە .

Copyright © 2012. all rights reserved . Developed by Avesta Group and powered by Microsoft Azure