هەواڵ

-

چەند تیبینیەک

ئیبراهیم هەورامانى
2/22/2014 11:07:05 AM 517 ‌جار خوێندراوه‌ته‌وه


کەمتر لە 30 ڕۆژى ماوە 26 ساڵەى یادەوەرى کیمیابارانى شارى هەڵەبجە بکرێتە مەراسیم وەبیر یادەوەرى خەڵک بهێنرێتەوە .وەک لەلاى هەمووان ئاشکرایە پتر لە بیست ساڵ دەبێت ئەم یادەوەرییە کراوەتە رسوم و کلتور سالانە لەشارى هەڵەبجە و لەشوێنە جیاجیاکانى کوردستان و ووڵاتانى دونیا دا ئەم یادە بەرز ڕادەگیرێت ،ئەوەى مایەى قسەلەسەر کردنى ئێمەیە لەم بابەتەدا سەرنج و تێبینیەکانمانە لەمەر مەراسیم و یادکردنەوەى ئەم یادەوەرییە لەشارى هەڵەبجەدا .
ساڵانە بەر لە وادەى یادەوەرییەکە یەکەى ئیدارى شارەکە بەمەبەستى خۆ ئامادەکردن بۆ ئەنجامدانى بەرنامەکانى مەراسیمى ئەم یادەوەرییە بەچەند مانگێک لەخۆسازکردندان ،بەڵام بەشێوەیەکى کلاسیک و دوور لەهەموو نوێخوازییەک هەربۆیە بەم شێوە تەقلیدیە ساڵانە دەست بە پێکهێنانى لیژنەکانى کارکردن دەکەن کە ئەم شیوە کارکردنە ساڵانە بونەتە مایەى سەرنج و تێبینیەکانى چین و توێژە جیاجیاکان تا ئەو ئەندازەیەى بەڕێژەیەک هەست دەکرێت ئەم بۆنانە لەبۆنە نەتەوەیى یەکان چوەتە دەرەوە و زیاتر لەشکڵى تەشریفاتیدا خۆى دەبینێتەوە و هەرچى خەڵکە موعنیەکەى شارەکەشە هەست بە بەرکەنارکردنیان دەزانن کە نەتوانراوە وەک پێویست سوود لەتوانا جیاجیاکانیان وەربگیرێت .هەرئەمەشە واى کردووە زۆربەى خەڵکى ئەم شارە هەست بە کاڵبونەوەى ئینتمایى خۆیانەوە بەم یادەوەرییەوە لەچوارچێوەى ئەم مەراسیمەدا ببیننەوە .بۆیە پێویستە بۆئەمساڵ هەوڵ بدرێت سەرجەم کۆى ئەو سەرنج و تێبینیانەى ساڵ لەدواى ساڵ لەسەر بەرنامەو شێوازى ئەنجامدانى ئەم مەراسیمە کۆبونەتەوەو بونەتە هۆى کاڵبونەوەى ئینتماى لاى خەڵکى شارەکە و هەست بە خوبن کردن بەهەند وەربگیرێن و هەرچى شێوازى ئەنجامدانى مەراسیمى ئەم یادەوەرییە هەیە لەشێوازە تەقلیدیەکە بچێتە دەرەوە و بەڕۆحێکى نوێخوازییەوە یادى بیست و شەش ساڵەى ئەم تاوانە ئەنجام بدرێت

Copyright © 2012. all rights reserved . Developed by Avesta Group and powered by Microsoft Azure