هەواڵ

-

ئەگەر تیپێكی لای خۆمان بوایە ‌

د.شیركۆ عبدالله‌‌
7/10/2014 6:44:56 AM 490 ‌جار خوێندراوه‌ته‌وه

ئەو هەڵبژاردە موهیم‌و بەناوبانگەی بەرازیل، كە ئەڵمانیا زاڵمەكە حەوت گۆڵی حەیابەرەی لێكرد، ئەگەر تیپێكی لای خۆمان بوایە، بەم نەوعە باس ئەكرا:
فازیل میرانی: ئەڵمانیا هەرخۆی نییە، داعیشیشی لەپشتەوەیە لەبەرئەوە ناچارین گفتوگۆیان لەگەڵدا بكەین.
ئاشتی هەورامی: ئەوەندە بۆ موبالەغە ئەكەن؟ من هیچ هجومێكم نەبینی لەسەر گۆڵچییەكەی بەرازیل.
كەشناسیی: ئێمە پێشبینیمان ئەكرد بەرازیل بیباتەوە، بەڵام شەپۆلێكی نزمی پاڵەپەستۆ، هەر بۆئەوەی بەدرۆمان بخاتەوە، هات‌و وەزعەكەی قڵپ كردەوە.
عەلی حەمەساڵح: ئێمە هەمووی دووسێ‌ مانگە بووین بەلایەنگری بەرازیل، لەبەرئەوە ئەخلاقییەن جوان نییە شتەكان بەداتا باس بكەین.
كۆمەڵ: بە بەڵگەوە دەیسەلمێنین دەستكاریی ئەنجامەكان كراوە.
كوردستانی نوێ‌: موزایەدە كردن راستییەكان ناشارێتەوە. یەكەم كەس ئێمەبووین لەبەرازیلمان بردەوە.
كۆمیسیۆنی باڵای هەڵبژاردنەكان: ئەو گۆڵانە هێشتا رەسمیی نین. ئەنجامی فەڕمی، ئێمە رایدەگەیەنین.
خەندان: بزانە هەیفا وەهبی چی دەڵێت دەربارەی ئەو سەركەوتنە.
فەلاح مستەفا: هەڵوێستی (جۆ بایدن)یش وایە كە پێویستە بەرازیل دابەش ببێت.

Copyright © 2012. all rights reserved . Developed by Avesta Group and powered by Microsoft Azure